Que é o BFF 1800?

O Brión Folk Festival nace para recrear e vivir dunha forma diferente a batalla acontecida no ano 1800 nas costas de Ferrol na que os veciños de Brión lograron vencer ás tropas do Imperio Británico.

A finalidade do BFF 1800 é a de enriquecer as actividades culturais da recreación da Batalla aportando o aspecto musical. Entre os obxectivos  cos que se crea este festival destaca:

• Ampliar a oferta cultural e lúsica dentro das celebracións da Batalla de Brión.

• Dinamizar a zona rural.

• Potenciar un dos aspectos culturais máis importante de Galicia como é a música de raíz e tradicional.

• Reforzar as relacións entre as entidades públicas e privadas da cidade para crear un proxecto común.

• Concienciar da riqueza da contorna natural de Ferrol, sobre todo nos Montes do Cha.

• Impulsar as relacións culturais coa cultura británica. Cultura unida a Galicia sobre todo pola música celta.

A organización deste festival está a cargo da Asociación Cultural Lenda Ártabra en colaboración con diferentes entidades sociais como a Asociación de Veciño de Brión e a Comisión de Festas de Santa María de Brión e de entidades públicas como Concello de Ferrol e a Deputación da Coruña.